Казна од 75 евра го следува патникот кој се вози во автобусите на ЈСП без карта. ЈСП преку заострена контрола ќе ги фаќа патниците кои не плаќаат карти, а ги користат услугите на ова претпријатие.
Директорот на ЈСП Мишо Николов, за „Вест“ вели дека пред да се изрече казнената мерка, на патникот му се дозволува да плати казна од 300 денари на самото место или во рок од осум дена кога го направил прекршокот.
– Доколку патникот не го плати бараниот износ и во дополнителниот рок од осум дена, поднесуваме предлог за поведување прекршочна постапка до МВР, по што прекршочната комисија задолжително изрекува глоба од 50 евра, плус 25 евра за трошоците за прекршочна постапка, на товар на патникот – вели Николов.
Петар Клинчарски