Вработените во судовите денеска од 10:30 до 12:30 часот одржаа двочасовен предупредувачки штрајк со кој побараа измени на Законот за судска служба.
Според Синдикатот на работниците од управата, правосудните органи и здруженијата на граѓани (УПОЗ), одредбите од Законот којшто се применуваат од февруари годинава се несоодветни, демотивирачки и ретроактивни.
Законот, смета Синдикатот на УПОЗ, не нуди можност за напредување на постојните службеници, а голем проблем е и преземањето службеници од други институции.
Со измените на Законот за судска служба, според проценките на УПОЗ, се засегнати околу 1.400 вработени во судовите и судската полиција.