Педесетгодишен кавадарчанец бил повреден во сообраќајка која попладнево се случила на крстосницата меѓу улицата „Никола Минчев“ и булеварот „Македонија“, во новиот центар на Кавадарци.
Во сообраќајката учествувало возилото на градоначалникот на општината и сопственик на „Кожувчанка“, Митко Јанчев, потврдуваат од СВР Велес за „Макфакс“.
Според информациите oд полицијата, градоначалникот Јанчев не бил во автомобилот „мерцедес“ кога се случила сообраќајната несреќа.
Возачот на „мерцедесот“, 36-годишниот Ј.Ј не е повреден, а возачот од другото возило, „пежо 405“, 50-годишниот Д.К. е пренесен во Општата болница Кавадарци.
Увид на местото на настанот направи полицијата.