39-годишна жена од Тетово пријавила дека во семејниот дом го убила нејзиниот невенчан сопруг, информира Министерството за внатрешни работи.
Според МВР, денеска во 11 часот и 35 минути во СВР Тетово, 39-годишната А.С. пријавила дека околу 11 часот во семејниот дом во Тетово извршила кривично дело убиство врз нејзиниот 51-годишен невенчан сопруг А.И.
Во извршувањето на кривичното дело осомничената употребила тврд предмет, извести МВР.
Извршен бил увид на местото на настанот од Јавен обвинител и увидна екипа од СВР Тетово и по документирање на случајот ќе биде поднесена соодветна пријава против А.С., велат надлежните.
