Времето во текот на денов е сончево со мала до умерена локална облачност. Ќе дува слаб до умерен, долж Повардарието повремено засилен ветер од северен правец. Минималната температура ќе биде во интервал од 11 до 22, а максималната ќе достигне од 31 до 38 степени Целзиусови.
Како што информираа од Управата за хидрометеоролошки работи, во Скопје се очекува слично време – сончево со мала до умерена облачност и слаб до умерен, повремено засилен ветер од северен правец. Минималната температура ќе се спушти до 20, а максималната ќе достигне до 38 степени Целзиусови.
Според синоптичарите, следува период на сончево и топло време со мала до умерена облачност. Температурите ќе бидат во постепен пораст, особено од четврток и за време на викендот кога дневната температура насекаде ќе биде над 30 степени Целзиусови, а наместа ќе достигне до 40 степени Целзиусови.