22-годишно момче од Македонија загина во сообраќајна несреќа што се случила утрово во Грција на Халкидики. Уште едно 21-годишно момче кое било во возилото е повредено и е сместено во болница.
Сообраќајката се случила на патот Полихроно-Ханиоти, кога сега починатото 22-годишно момче, од непознати причини, изгубило контрола над возилото и тоа се превртело.
Возачот, кој според порталот бил на летување на Халкидики, излетал низ шофершајбната и починал на самото место.
Совозачот е префрлен во болницата во Полигиро.
