Вчера попладне 25 годишната Т.Б. од Русиново – беровско и 47 годишниот С.К. имале расправија која завршила со убодна рана во десната рака на мажот.
Тие, според информациите, живееле во вонбрачна заедница. По вербалната расправија девојката со кујнски нож му нанела убодна рана на С.К. во десната надлактица.
Тој бил пренесен во Здравствен дом Берово и констатирани му се тешки телесни повреди по што е упатен на лекување во Медицинскиот центар во Кочани. Увид на лице место извршила екипа од ПС-Берово и во тек се мерки за расчистување на случајот , информираше МВР.