Дванаесет авиони со патници од Швајцарија за време на викендот ќе слетаат на Аеродромот во Охрид информираат за А1 од ТАФ Македонија.
Најголем број од нив се чартер летови. Според информациите од ТАВ во сабота на 23 март од Цирих до Охрид ќе слетаат два чартер авиони на авио превозникот Хелветик Ервејс, додека од Базел до Охрид ќе слетаат 4 чартери на авио превозниците Аир Букурешт и Ентер аир. Поголемиот дел од патниците слетуваат во недела на 24 март на денот на одржување на локалните избори.
Од Цирих до Охрид ќе слетаат 4 авиони, и тоа еден редовен кој се обраќа на оваа релација и три чартер авиони на авио превозникот Хелветик Ервејс. Од Базел до Охрид ќе слетаат два чартер летови на Ентер аир.
Неофицијално дознаваме дека бројот на чартер авиони од Швајцарија до Охрид ќе се зголеми и дека и други авио превозници побарале дозвола да летаат до Охрид викендов со чартер линии. Овие чартер авионски линии се поврзуваат со најавите на албанските политички партии дека голем дел од дијаспората ќе пристигне во Македонија со чартер авиони организирано за да гласа на локалните избори во недела во Струга и Кичево.
Мики Трајковски