Двегодишно дете е тешко повредено кога возилото со кое било превезувано излетало од коловозот и удрило во бетонски столб на магистралниот пат во близина на Лозово.
Полицијата соопшти дека сообраќајната незгода се случила вчера околу 12:30 часот во близина на Лозово, во правец од Велес-Штип. Автомобил „Тојота Јарис“ со скопски регистерски таблици управуван од Ч.Ц.(72) од Скопје излетал од коловозот и удрил во бетонски столб.
Во незгодата тешко било повредено двегодишното дете кое по укажаната лекарска помош во болницата во Штип е префрлено во Ургентниот центар во Скопје.
Увид на местото на настанот извршила екипа од ПС-Свети Николе и се работи на целосно расчистување на случајот.