Пет лица од кои еден потешко, се повредени во сообраќајна несреќа која вчера вечерта се случила на локалниот пат за кочанското село Блатец.
Во несреќата, според информациите на МВР, учествувале автомобил „рено клио“ управуван од С.Ѓ.(36) од с.Блатец и автомобил „фолксваген голф“ управуван од Т.М.(41) од с.Вељуса, струмичко.
-Во несреќата со тешки телесни повреди се здобил возачот С.Ѓ., а со телесни повреди се здобиле возачот Т.М. и тројца сопатници од истото возило – Г.Р.(41) од с.Покрајчево, радовишко, Д.Ј.(43) од Виница и З.Ј.(34) од с.Ангелци, општина Василево, констатирани во Медицинскиот центар во Штип и Општата болница во Кочани, информира МВР.