19 годишник од Куманово дивеел во полиција откако бил уапсен за поседување наркотични средства.
При претрес полицајците кај него пронашле марихуана и го привеле, но тој се опирал на апсењето и физички ги нападнал полицајците. Уапсениот не се смирил ни по приведувањето. Продолжил да дивее во полициската станива и искршил дел од инвентарот.
Од МВР во соопштението велат:
„На 25.03.2024 во 21.45 часот во Куманово, полициски службеници од СВР Куманово го лишиле од слобода Н.П.(19) од Куманово затоа што кај него била пронајдена и одземена марихуана. Исто така, при приведувањето, физички нападнал полициски службеник, а подоцна оштетил и дел од инвентар во просториите на СВР Куманово. По целосно документирање на случајот, против него ќе биде поднесена соодветна пријава.“, велат од МВР.