Општината Центар ќе плати над 18.000 евра годишно за набавка на плин и техничко одржување на вечниот оган на споменикот на паднатите херои во паркот Жена борец.
За оваа намена Центар деновиве склучила годишен договор со две фирми, едната компанијата Пуцко петрол која ќе врши набавка и транспорт на плинот, а другата Продуктион е задолжена за одржување и периодични проверки.
Неколку пати досега оганот згаснуваше, па затоа општината за да се одржи неговата симболика, одлучила за тоа да најми фирма која ќе се грижи вечниот пламен да не згасне.