Град Скопје: Почнуваме со летна градежна офанзива на 11 локации

Од:

Градот Скопје најавува дека почнува со летна градежна офанзива за изградба и реконструкција на градски улици и булевари. Во претстојниот период тие велат дека е предвидено е да почнат градежни работи на 11 локации низ градот, во неколку скопски општини.

„Планирана е изградба или проширување на следните делници: Булевар Митрополит Теодосиј Гологанов, на потегот од булеварот Свети Климент Охридски до кружниот тек кај Католичка, на должина од 530 метри; Булевар АСНОМ, од булеварот Гоце Делчев до влезот во Ќерамидница, на должина од 300 метри; Улица Васко Карангелевски, на потегот од булеварот Јане Сандански до булеварот Трета македонска бригада, на должина од 1.000 метри; и на Раскрсница нa улицата Скупи и булеварот 8.Септември, раскрсница на булеварот 8.Септември и булеварот Никола Карев и раскрсница на булевар Никола Карев и булевар Словенија (капиталниот проект за изградба на два кружни тека, подвозници и надвозници кај Момин поток)“, наведуваат од Град Скопје.

„Градежни работи за реконструкција на постојниот коловоз, пак, ќе се изведуваат на: Улица Бутелска, на потегот од улицата Александар Урдаревски до обиколницата, на должина од 850 метри; Булевар Борис Трајковски, на потегот од Пинтија до Драчево, на должина од 2.000 метри; Улица Лука Геров, на потегот од кружниот тек кај пожарната до улицата Волковска, на должина од 1.800 метри; Булевар Киро Глигоров, од булеварот АСНОМ до булеварот Александар Македонски, на должина од 1.500 метри; Улица Индира Ганди, втора фаза до обиколницата, на должина од 800 метри; Булевар Кузман Јосифовски Питу, на потегот од новата железничка станица до булеварот Кочо Рацин; и на Булевар Крсте Мисирков, на потегот од булеварот Кузман Јосифовски Питу dо булеварот Гоце Делчев, на должина од 650 метри;“, стои во соопштението на Град Скопје.

„Градот Скопје продолжува да гради со засилено темпо, со рекордно кратки рокови во сите 10 скопски општини. Скопје продолжува да ја развива својата улична мрежа истовремено со мрежите на велосипедски и пешачки патеки за да обезбедиме одржлива урбана мобилност која подразбира безбеден и ефикасен сообраќај. За потсетување, во текот на есенската градежна офанзива на Град Скопје, пред крајот на 2020 година, беа обновени многубројни сообраќајници во повеќе скопски општини, со посебен акцент на реконструкцијата на источниот влез во градот. Сите градежни акции се завршија во рекордно кратки рокови, од 10 до 30 дена“, се додава во соопштението.

Би можело да ве интересира

Жени се тепале во Карпош, па се вмешале и мажите – еден е ранет со нож

Жарко Настоски

Фатен разбојник што со нож ограбил обложувалница во Кисела Вода

Жарко Настоски

Жена паднала од тераса во центарот на Скопје

Жарко Настоски

Скопјанец направил сообраќајка и избегал, подоцна со колата удрил полицаец и пак бегал

Жарко Настоски

Скопјанец уапсен на „Ленинова“, бил агресивен кон полицајци

Жарко Настоски

Млад скопски крадец обил 15 такси возила во осум часа, направил трипати повеќе штета одoшто имал ќар

Жарко Настоски