12 активни пожари, најкритичните пожари се гасат и од земја и од воздух

Од:

На територија на државата, според утринските информации на Центарот за управување со кризи, активни се 12 пожари.

Во изминатото деноноќие биле евидентирани вкупно 35 пожари на отворено од кои 23 се изгаснати.

Како што информира ЦУК, се уште активни се пожарите меѓу селата Драгоево и Селце и селата Пухче и Пиперово во општина Штип, пожарот кај армискиот полигон Криволак во правец на штипското рамниште, а од неготинска страна е ставен под контрола, како и пожарот кај селото Бадилен во општина Ново Село.

Активни пожари има и меѓу селата Габровник и Мокрени и меѓу Јаболчишта и Дреново во општина Чашка, меѓу селата Сирково и Мрзен Ораовец во Росоман, кај селото Фалиш во општина Кавадарци, селото Небрегово во општина Долнени, кај Пашин мост во општина Велес, меѓу селата Подлец и Чичево во општина Градско, како и кај градската депонија во Делчево.

Најкритичните пожари се гасат и од земја и од воздух.

На Единствениот број за итни случаи 112, разлика од вчерашниот рекорден број 3.159, во текот на изминатото деноноќие регистрирани се 2.978 повици.

Би можело да ве интересира

Момче загина во пожар во Англија, уапсени се 14 деца

Скопјанец подметна пожар во куќа и стан каде што живее неговата сопруга со нивниот син

Горан Наумовски

Нетанјаху: Уапсени 18 лица под сомнение дека подметнале пожари во близина на Ерусалим

(ВИДЕО) Нетанјаху прогласи вонредна состојба поради шумските пожари во близина на Ерусалим

Горан Наумовски

(ВИДЕО) Голем пожар во близина на Ерусалим, најмалку седум лица се повредени

(ВИДЕО) Трагедија во Кина: Пожар избувна во ресторан, најмалку 22 мртви