Единаесет албански државјанки се протерани од Македонија поради нелегален престој во земјава, информираат од МВР.
Според полицијата, во текот на вчерашниот ден при акциска контрола во струшките села Велешта и Радолишта биле откриени и приведени 11 албански државјани, поради нелегален влез и незаконит престој во Република Македонија.
За нив биле подготвени прекршочни пријави до Основен суд Струга, каде им биле изречени прекршочни казни.
Жените преку граничниот премин Ќафасан биле депортирани во Република Албанија, информираат од МВР.
