Голем пожар избувна попладнево на падините на Скопска Црна Гора. Од Противпожарната бригада на Град Скопје информираат дека е зафатена поголема површина, поради што нивни возила и пожарникари се упатени на терен во обид да ја локализираат огнената стихија.
Чадот кој се издига над планината може да се забележи оддалеку. Засега нема информации каде точно избувнал пожарот и колкава површина е зафатена.