Безживотното тело на 10-годишно момче испливало во надојдената вода во куќа во Голема речица, а девојче од четиринаесет години е донесено во безживотна состојба во тетовската клиничка болница по денешното невреме, информираат од СВР-Тетово.
Ова се за сега потврдените информации за жртви во големото невреме што го зафати овој регион, а билансот говори за уште три човечки жртви во тетовското село Шипковица, но случаите се непотврдени.
Поројните врнежи и излевањето на реката Пена во Тетово предизвикаа голема материјална штета, а последиците допрва ќе се утврдуваат. Од СВР-Тетово информираат дека има и повредени лица, оштетени возила и куќи.
До некои места пристапот е се уште невозможен. На патиштата има големи наноси од кал и камења кои се расчистуваат со расположливата механизација.
