Џерад Кушнер, влијателниот зет на американскиот претседател Доналд Трамп пристигна во Израел за да разговара со премиерот Бенјамин Нетанјаху за спроведувањето на американскиот план за прекин на војната во Газа, изјави извор запознаен со ова прашање.
Кушнер треба да се сретне со Нетанјаху во понеделник, изјави изворот, кој побара анонимност бидејќи средбата не е официјално објавена.
Во септември, Трамп објави план од 20 точки за ставање крај на двегодишната војна на палестинските територии, почнувајќи со прекин на огнот што стапи на сила на 10 октомври и предавање на заложниците во Газа.
Милитантната група ослободи 20 живи заложници, како и ги предаде останките на 24 заложници. Останките на четири починати заложници се пронајдени во Газа.
Според следната фаза, мултинационалните сили треба постепено да ја преземат безбедноста во Газа од израелската армија.
Портпаролот на израелската армија претходно денеска изјави дека нема да има „турски војници“ во Газа како дел од меѓународните сили.