Стопанска комора на северо-западна Македонија преку проектот УСАИД – Партнерството за подобра бизнис регулатива, денеска во Тетово на информативен настан ги презентираше постоечките прописи и законски барања кои влијиаат на малите и средните претпријатија (МСП), во врска со правата и обврските што произлегуваат од овој закон.
Целта на овие средби е да се соберат информации, кои ги вклучуваат прашањата со кои се справуваат средните и малите претпријатија. Добиените податоци ќе бидат користени во развојот на проектните активности за подобрување на јавно-приватниот дијалог во текот за времетраење на проектот.
Проектот е финансиран од страна на Владата на САД, со цел да се поддржи економскиот раст преку ублажување на притисокот врз малите и средни претпријатија нанесен од честата промена на законската регулатива.