Трошоците на животот, мерен преку цените на стоките и на услугите за лична потрошувачка, во декември 2012, во однос на декември претходната година бележат пораст од 4,7 отсто, а во однос на ноември 2012 година нема промена, објави Државниот завод за статистика.
Во декември 2012, во однос на ноември 2012 година, пораст на индексите е забележан во групите облека и обувки за еден отсто, останати стоки и услуги за 0,6 отсто, мебел, покуќнина и одржување покуќнина и ресторани и хотели за 0,3 отсто, Алкохолни пијалаци, тутун и рекреација и култура за 0,2 отсто и здравје за 0,1 отсто.
Намалување на индексот на трошоците на животот е забележано во групите храна и безалкохолни пијалаци за 0,3 отсто и транспорт за 0,1 отсто.
На ниво од претходниот месец останаа индексите на групите домување, вода, електрика, гас и други горива, комуникации и образование.