Вработените во Прилепскиот мермерен комбинат се соочуваат со намалување на платите.
Еден ден од вработените, наместо да земаат плата од 20.000 денари, сега ќе земаат 15.000 денари, додека пак другата група на работници, наместо 25.000 денари ќе зема 20.000 денари.
Откако им биле поделени платите првата смена во рудникот Сивец прекина со работа.
Вработените тврдат дека тоа е спротивно на колективниот договор во кој нема предвидено таков услов, додека пак грчките газди се правдаат дека намалувањето на платите е поради неисполнати норми.
Пред да им биде продаден на Грците, во прилепскиот комбинат работеа 700 работници.
Потоа бројот беше намален на 450, а сега работат 360 со тенденција тој број постојано да се намалува.