ВМРО-ДПМНЕ со писмено соопштение реагира на соопштението на СДСМ.
„Поради катастрофалните политики на криминалниот картел на власт, економијата стагнира, државата е заробена а правниот систем целосно девалвиран.
За прв пат во независна Република Македонија јавниот долг на државата ја надмина психолошката граница од 5 милијарди евра, додека државниот 4 милијарди евра. Додека долгот вртоглаво расте, платите и стандардот на граѓаните паѓаат, а трошоците за живот се зголемуваат.
Овој криминален картел единствено што знае да работи е како енормно да ги задолжува граѓаните и државата.
Наместо најавеното покачување на платите, имаме пад на платите за 867 денари во однос март – февруари. Нивото на реализација на капиталните инвестиции во првиот квартал од 2018 година изнесува само 7,4%, имаме 45 проценти помалку издадени дозволи за градба март оваа година во однос на март минатата година. Државата економски тоне.
Со еден збор оваа влада е најнеуспешната влада во историјата на Македонија. Овој дебакал на економски план, оваа безидејност на сите полиња мора да запре“ се вели во реакцијата на ВМРО-ДПМНЕ.