Предупредував за сето ова дека ќе се случува. Предупредував уште во март месец и предупредував што треба да направи оваа Влада, но поради самобендисаноста на Владата и неспособноста ништо тие не направија. Еве септември дојде почнува учебната година за некој месец од денеска започнува и грејната сезона, имајќи во предвид дека во средна и во источна Европа грејната сезона започнува од 15 септември допрва доаѓаат тешките времиња“, изјави претседателот на ВМРО-ДПМНЕ, Христијан Мицкоски одговарајќи на новинарско прашање при денешната посета на Општина Бутел.
Мицкоски посочи дека енергетската криза со себе ќе повлече голема економска криза, зошто? Затоа што голем дел од производните капацитети веќе се затвораат и во Македонија знаете дел од тие капацитети веќе се затворија.
„Веќе добиваме информација од теренот, од помалите стопански субјекти дека сметките за август кои практично се однесуваат на јули месец во овој нов регулационен период се зголемени некаде три и четирикратно. Што значи дека голем дел од нив ќе бидат приморани или да отпуштаат вработени или да го затвораат својот бизнис, дел од нив и ќе банкротираат“, кажа Мицкоски.
Тој кажа дека сето тоа ќе влијае во економијата, односно последици ќе има во економијата. Како што може да забележи од страна на владините министри воопшто нема грижа за ова ниту пак некои воопшто води сметка како од сега па натаму.
„Информациите се дека, а и веќе се тргува на европските берзи електрична енергија како што е таа во Франција за месеците Ноември декември јануари февруари по 1,000 евра за мегават час. Пикот е веќе 2,000 евра за мегават саат. Просечната цена е повеќе од 500-600 на референтните берзи во Унгарија, Австрија тие што се однесуваат кај нас“, истакна Мицкоски.
Мицкоски вели дека периодот кои следи ќе биде предизвикувачки и многу тежок, за жал на граѓаните оваа власт сеуште е таму каде што е и не гледа некаква иницијативност од нивна страна да се подобри состојбата.
Тој рече дека ќе предложат некои закони веднаш штом ќе биде оперативен Парламентот. Според информациите кои ги има до крајот на овој месец ќе биде на годишен одмор.
„Ќе предложиме некои закони кои ќе се потрудиме колку толку да ја ублажиме оваа кризна состојба која е пред нас оваа есен и оваа зима. Од Парламентарното мнозинство СДСМ-ДУИ зависи дали ќе ги прифатат или нема да ги прифатат нашите предлози. Но важно е дека за сето ова што денеска се случува предупредувавме уште пред една година, тогаш не само што не пристапија сериозно туку имаше и такви кои се шегуваа на наша сметка зошто протестираме за струјата, зошто протестираме за ова ? Еве денеска тие ни викаат бевте во право и за жал државата оди кон амбис и токму поради тоа се потребни предвремени парламентарни избори за да дојде власт која ќе може да ја води државата во вистинска насока“, дециден е Мицкоски.