Владиното Роуд шоу од денеска до петок е во Шведска, Финска, Норвешка и Данска. Премиерот и неговиот тим ќе остварат средби на највисоко политичко ниво, како и бизнис презентации на Република Македонија пред повеќе заинтересирани инвеститори од овие земји.
За време на престојот во Стокхолм, Хелсинки, Копенхаген и Осло владиниот економски тим ќе присуствува на бизнис форуми на кои ќе ги претстави економските и инвестициските потенцијали на Република Македонија пред повеќе шведски, фински, дански и норвешки компании, а предвидено е одржување и на поединечни средби со претставници на потенцијални инвеститори од овие земји.
Како што соопшти владината прес служба, за денеска во Стокхолм предвидено е средба со премиерот на Кралството Шведска, Фредрик Рајнфилд.