Владата ќе вработи 1.600 лица во јавниот сектор од социјално загрозени семејства, најави денеска премиерот Никола Груевски.
Како што објасни, вработени ќе бидат по 400 луѓе од четири категории – долгорочно невработени, преку десет години, лица од многудетни семејства, лица од самохрани и еднородителски семејства, како и лица од семејства без ниту еден вработен.
При вработувањето ќе се примени принципот на еднаква и правична застапеност.
Груевски информира дека Владата подготвува и нов закон за администрација со кој ќе се третира начинот на вработуање. Ќе се применуваат строги критериуми согласно стручноста и компетентноста на кандидатите.