Владата финансиски ќе поддржи презентација на македонски земјоделски производи и брендови на шест реномирани саемски манифестации во Русија, Кина и Германија, со околу 1 милион и 200 илјади евра.
„Владата ќе финансира организиран настап на македонските компании на најреномираните и најпознати светски саемски манифестации, преку финансирање на трошоците за закуп на саемски простор, изработка на заеднички национален павилјон, тематски штандови, покривање на националното презентирање со подготовка на промотивни материјали и активности“, рече Александар Ѓорѓиев, портпарол на Владата.
„Покрај учество на овие саеми, Владата финансиски ќе поддржи и промоција на македонското вино на таргетирани пазари во Полска, Холандија, Швајцарија и Словенија, како пазари кои имаат голема аспорциска моќ, а на кои македонското вино не е доволно застапено“, рече Ѓорѓиев.