ВМРО-ДПМНЕ како народна партија своите политики ги заснова на традицијата и вредностите на обичниот македонски човек. Земјоделството и аграрната политика се зацртани како еден од главните приоритети во нашата програма и работа, рече градоначаникот на Прилеп, Марјан Рситески.
На голем дел од граѓаните на општина Прилеп земјоделството им е основно, а на некои дополнително занимање. Прилепските земјоделци се сведоци дека денес може да се развие оддржлив агро – бизнис со помош на можностите за поддршка кои ги нуди Владата на ВМРО-ДПМНЕ, додаде тој.
Нашите земјоделци се корисници на субвенции во најголем дел за тутунот!
Среќни сме што вчера со одлука на Владата се исплатија субвенции за произведен и продаден тутун од реколтата 2012 година. Од вкупно 26 милиони евра предвидени за оваа намена, исплатени се 23 милиони евра, а останатите ќе бидат исплатени во наредните денови. На тутунарите од Општините Прилеп Долнени, Кривогаштани им се исплатени 14 милиони евра, или во прилепскиот регион само вчера влегоја чисти 14 милиони евра.