ВИДЕО: Почнуваат првите средби со земјоделците за консолидација на земјиштето

Од:

Утре почнуваат средбите со земјоделците во Царев Двор, Спанчево, Соколарци, Логоварди и Оптичари кои треба да го консолидираат своето обработливо земјиште. Ќе се утврдува дали и колку се подготвени да ја спроведат консолидацијата.

dobivaj vesti na viber

Како што беше речено на денешната информативна работилница во Министерството за земјоделство, веќе се склучени договори со геодетски компании кои треба да ги изготват студиите за изводливост на процесот на окрупнување на земјиштето.

– Ќе се спроведува детална проценка на моменталната состојба на терен за да се утврди подготвеноста на земјоделците и сопствениците на земјиште за вклучување во процесот на консолидација. Избраните геодетски компании минатата недела ја добија првата обука за изготвување физибилити студии преку кои ќе се провери дали се задоволени сите предуслови за успешно окрупнување на површините во избраните пет области, истакна министерот за земјоделство Љупчо Николовски.

Тој информира дека до март идната година геодетските компании ќе работат со земјоделците и локалните заедници за успешно спроведување на консолидацијата.

– Во март годинава ги објавивме првите 12 избрани локации со најголем потенцијал и интерес за окрупнување на земјоделското земјиште: Стојаково, Логоварди, Трн, Оптичари, Жабени, Лешани, Чешиново, Соколарци, Спанчево, Чифлик, Царев Двор и Моноспитово, нагласи министерот.

Вирве Вимпари од Делегацијата на ЕУ во Скопје и Вилма Даугалине, главен технички советник на ФАО во проектот „Маинланд“, потенцираа дека процесот на консолидација не е воопшто едноставен и за негово успешно спроведување е неопходна соработка, како и координација меѓу сите чинители: институциите, науката и земјоделците. Крајната цел е одржлив развој и креирање подобри услови не само за земјоделците, туку и за граѓаните воопшто.

Проектот за консолидација нема да заврши со засега избраните 12 локации. Како што најави министерот Николовски, последниот период треба да почне избор на уште 12.

Би можело да ве интересира

МЗШВ: Активно се работи за подигнување на електронскиот систем, базата на министерството е сигурна и етапно се враќа во функција

Ана Ололовска

МЗШВ: Исплатени над 1,5 милијарди денари субвенции за обележани грла овци, користен сертифициран материјал и одгледани и заклани гоеници до 11.120 корисници

Ана Ололовска

Нови мерки за финансиска поддршка на земјоделците

Ана Ололовска

МЗШВ: Со нови мерки ја дополнуваме Интервентната програма – Обезбедуваме поддршка за вештачко ѓубриво, сливи и зелка

Ана Ололовска

МЗШВ: До 21 септември се продолжува рокот за аплицирање по мерката 3 од ИПАРД 2 програмата – Ја зголемуваме и поддршката на 5,7 милиони евра

Ана Ололовска

МЗШВ: Системот за авионско засејување на градоносни облаци е добар проект со кој 80% ги заштитуваме земјоделските површини

Ана Ололовска