(ВИДЕО) Арсовски: Државата тоне во корупција и криминал, принципот на работа од Струмица е пресликан во целата држава

Од:

Оваа влада предводена од аболицираниот криминалец Зоран Заев ниту подобрува макроекономија, ниту подобрува микроекономија. Цело време работи на развивање на ВИЦЕ-економија. Токму затоа државата тоне во корупција и криминал. Затоа Македонија се наоѓа на 112-то место на индексот на корупција за жал веднаш до Танзанија, со сета почит кон таа држава. Дали принципот на работа во Струмица со кој се фалеше Заев е пресликан во целата држава, рече Димче Аросвски од ВМРО-ДПМНЕ.

– Тоа што јавноста го виде и го слушна на видео снимката со наслов евро во црквата – евро во менувачницата, не само што не прекинало, туку постои основан сомнеж дека се има проширено како канцер на ниво на целата држава. Отворено повикуваме обвинителството да ги испита наводите во јавноста дека речиси секој државен тендер во државата се склучува во еден хотел во Југоисточна Македонија, каде што процентот кој треба да се плати е од 5 до 15% во зависност од висината и големината на тендерот. Дали тој хотел е новата менувачница? Дали фирмите кои учествуваат во државните тендери се изложени на невиден рекет пропратен со закани и уцени со инспекции и нелегално прислушкувани материјали? Дали власта наместо развивање на државната економија работи на единствено на личното богатење?, запраша Арсовски.

Тој додаде дека корупцијата е сеприсутна и ги јаде народните пари.

– Заради тоа енормно ја задолжуваат државата, заради тоа јавниот долг ни е пораснат над 5 милијарди евра, заради тоа само за 9 месеци имаме нов долг најмалку 375 милиони евра нето, заради тоа нема изградба на нови училишта, градинки, болници, заради тоа нема абер од ветениот раст на БДП од 5%. Парите од буџетот кои секој од нас ги плаќа како даноци, но и парите со кои бесрамно не задолжуваат секоја недела никој не знае за што се трошат и каде се трошат. Оваа 2018 година ќе биде запаметена како година на црнила. Пропадната година за жал. Тоа што самите го проектираа како капитални инвестиции од буџетот не го реализираа, исто како што не ги реализираа ниту изборните ветувања за поврат на ДДВ од 15%, за 13 плата во секое семејство, за 600 километри нови автопати, 500 евра просечна плата, 100 илјади денари плати за докторите. Ништо од тоа нема, рече Аросвски.

Би можело да ве интересира

ВМРО-ДПМНЕ: Прочитани се синдикалците на батерии како Иван Пешевски

ВМРО-ДПМНЕ го осудува говорот на омраза и непочитувањето изразено на фудбалскиот натпревар во Тетово

А1он

ВМРО-ДПМНЕ: Триото Трендафилов, Деановски и Пешевски, заедно имаат месечни примања околу 5.000 евра

СДСМ: Владата да ги поништи тендерите за анкети и оценка на медиумите и парите да ги пренамени за Кочани

ВМРО-ДПМНЕ: Дволичноста на СДС, сè уште не смогна сили да се огради од мали Фрчко и да побара истрага

Предраг Петровиќ

ВМРО-ДПМНЕ: Се испитуваат сите причини кои доведоа до трагичниот настан во Кочани