Регионалниот Центар за управување со кризи на Град Скопје денеска соопшти дека утре ќе има прекини во напојувањето со електрична енергија за дел од корисниците во општините Сопиште, Илинден, Центар и Карпош.
Поради инвестициски зафати на ЕВН Македонија за подобрување на квалитетот во снабдувањето со електрична енергија утре без струја од 9 до 13 часот ќе бидат дел од корисниците од селото Сопиште, а од 9 до 14:30 часот дел од корисниците од селото Бујковци во Општина Илинден. Од 9 до 15 часот ќе има прекин на струјата на дел од улиците „Пајак“, „Димитрие Туцовиќ“ и „Наум Наумовски Борче“ во општина Центар, од 10 до 13 часот дел од улицата „Миле Поп Јорданов“ а од 10:30 до 15:30 часот објектите со куќни броеви од 61 – 73 на булеварот „Партизански Одреди“ во општина Карпош.