Третиот пакет финансиска помош за Грција ќе биде делумно финансиран од европскиот буџет, но ќе биде значително помал од претходните два пакети помош за земјата, објави денеска германскиот весник „Зидојче цајтунг“.
Весникот се повикува на изјава на германскиот министер за финансии Волфганг Шојбле, кој вчера ја истакна потребата од нова програма за помош на Грција, истовремено исклучувајќи ја можноста за ново „бришење“ на грчкиот долг.
Според „Зидојче цајтунг“ се разгледува можноста на Атина да и биде обезбеден дополнителен капитал од структурните фондови на ЕУ со цел да се поттикне растот на економијата и да се овозможи ослободување национален капитал за сервисирање на грчкиот долг.
Од почетокот на финансиската криза помошта, доделена на Грција од ЕУ и ММФ веќе надминува 245 милијарди евра.