Индиската делегација, предводена од мултимилијардерот Субрата Рој, која во моментот престојува во Македонија го продолжи престојот во Македонија и останува наместо до денеска, до вторник.
Дел од делегацијата е на разговори во Министерството за земјоделство, шумарство и водостопанство, а другата во Охридско-преспанскиот регион каде се разгледуваат туристичките потенцијали.
Директорот на Дирекцијата за ТИРЗ Виктор Мизо информира дека денеска дел од делегацијата директно ќе ги разгледа уште еднаш потенцијалните локации за туристичките зони околу Охридско Езеро и Преспанскиот регион.
Заинтересирани се да го видат и охридскиот аеродом и да се запознаат со неговите технички перформанси.
Утре Индијците ќе вршат анализа и ќе побараат дополнителни информации за рудните потенцијали.
Индискиот мултимилијардер Субрата Рој во петокот најави дека планира да инвестира во Македонија и оти тоа ќе биде голема инвестиција. Делегацијата требаше денеска да си оди од Македонија.