ССМ: Одбиена жалбата на Митревски, неспорен е уписот на Димовски за претседател

Од:

Сојузот на синдикати на Македонија (ССМ) денеска соопшти дека жалбата на поранешниот претседател на ССМ Живко Митревски за упис во Централниот регистар е одбиена како неоснована.

Со тоа, според ССМ, е ставен крај на обидите за манипулација на јавноста и на работниците и неспорен е уписот на сегашниот претседател Дарко Димовски.

Во соопштението, ССМ наведува дека за Синдикатот остануваат приоритет работничките права и во таа насока предлага четвртиот пакет мерки да биде насочен кон зачувување на работните места и ублажување на финансиските загуби на компаниите.

Од Владата се бара субвенционирањето на плата како мерка да продолжи онаму каде што производството е намалено над 30 проценти, но исплатата да оди директно на сметките на работниците, како и одложување на сите долгови во рок од шест месеци за оние семејства чии вкупни примања се помали од синдикалната потрошувачка кошничка.

На работниците кои досега користеа мерки како хронично болни, бремени жени, чување на дете до 10 години, да им биде исплатена цела плата, без намалување, а надоместокот на плата за отсуството од работа заради Ковид- 19, да изнесува 100 проценти од основицата утврдена со закон. ССМ предлага и Ковид – 19 да се внесе како професионална болест во Правилникот за листа на професионални болести.

Едно од барањата на синдикатот е синдикалното организирање во компаниите да биде услов компаниите да добијат финансиска помош.

Би можело да ве интересира

Дејановски: Слушаме ветувања ќе има повисоки плати, а добивме неисплатени плати, скратени додатоци, зголемени цени и иселени млади

Синдикалците пред Собранието на Македонија побараа минималната плата да биде 500 евра

Трендафилов: Денеска работниците имаат многу причини да протестираат, а малку да празнуваат

Синдикатите на првомајски протест за повисоки плати

Пешевски: Повисоки плати не се 500 евра плата, туку 500 евра минимална плата

Горан Наумовски

Трендафилов: Владата и работодавачите одбиваат да ја зголемат минималната плата на 500 евра