ССМ: Измените во Законот за работни односи не одат во прилог недела да биде неработен ден

Од:

Сојузот на синдикати на Македонија (ССМ) смета дека предложените измени во Законот за работни односи од страна на Министерството за труд и социјална политика не одат во прилог на тоа недела да биде прогласена за неработен ден.

Во реакцијата од ССМ се наведува дека предлогот на Министерството за труд и социјална политика е во насока на утврдување на постапка која треба да ја спроведуваат работодавачите за работниците да работат во недела, а не да се утврди правото неделата да е неработен ден.

Сметаат дека евентуалните исклучоци од правото недела да биде неработен ден, треба да се уредат во Законот за работни односи како базичен закон, врз основа на анализа за тоа во кои дејности мора да има контиуниран процес на работа.

– Предлог на ССМ е работниците кои по исклучок се ангажирани да работат во недела задолжително да имаат право на зголемување на основната плата по час најмалку за дополнителни 50 проценти за работа во недела, како и право на слободен ден во текот на неделата, велат од ССМ.

Би можело да ве интересира

Минималната сума за преживување на месецот пораснала 100 евра за една година

Катерина Ѓуровски

Трендафилов: Во Буџетот за 2025 се планирани пари за поголеми плати

Трендафилов: Потребно е предвремено пензионирање, а не зголемување на пензиската граница

Трговците се алчни, прво ги зголемија, па ги намалија цените за да им остане истиот профит обвинува ССМ

Се повеќе пари се трошат на храна, минималната кошница за октомври 1000 евра

Трендафилов: Аргументите за пораст на платите се на наша страна, очекуваме сериозно да се разгледуваат на ЕСС