Српскиот динар денеска ослабна за 0,3 отсто, достигнувајќи најниска вредност во однос на еврото од воведување на заедничката европска валута.
Според денешниот курс на Народната банка на Србија (НБС), едно евро чини 117,8981 динари. Досегашната најниска вредност на српска валута во однос на европската беше регистрирана на 4 јуни 2012 година, кога едно веро чинеше 117,6943 динари.
Со најновиот пад, српскиот динар ослабна во однос на еврото за 3,3 отсто на месечно ниво и за 11,2 проценти на годишно ниво.
Со цел да ја одржи стабилноста на националната валута, НБС од почетокот на годинава на меѓубанкасркиот девизен пазар продаде 1,298 милијарди евра.