Српскиот министер за рударство и просторно планирање, Милан Бачевиќ, денеска во Врање најави дека во понеделник со кинескиот развоен фонд ќе потпише договор за продолжување на реализацијата на проектот за изградба на пловниот канал Дунав-Морава-Вардар, пренесуваат српските медиуми.
Бачевиќ појасни дека студијата за финансиската оправданост на проектот кинезите ја прават бесплатно, а сега ќе биде потпишан договор за размена на расположивата документација.
– Сите документи со кои располагаме, кои се однесуваат на проектот, ќе бидат ставени на располагање на комисијата која ќе биде формирана за таа цел – изјави Бачевиќ
Изработката на просторниот план, како што изјави Бачевиќ е во тек, а во него Врање ќе има посебна позиција како големо пристаниште пред влезот на каналот во Македонија.