Во Србија, досега има пријавен само 21 даночен обврзник, а според проценки на српскиот „Блиц“ таа бројка треба да се сто пати поголема.
„Ако бројот на пријави остане ваков, ќе морам лично да ги контролирам„ вели за „Блиц“, Иван Симиќ, в.д. директор на Даночната управа на Србија.
Симиќ е изненаден од малиот број луѓе кои пријавиле имот и смета дека поголем дел го чекале последниот ден што не е добро. Тој не гледа причина да се плашат од даноците, затоа што смета дека давачките во Србија не се големи.
„Даночната стапка изнесува 20 проценти, а што ќе беше ако изнесуваше 50 проценти како во некои европски земји? Затоа подобро за нив и за нивните мирна совест, нека не го кријат тоа што го имаат“, вели Симиќ.
Јасна Атанасова