Шпанија ќе ја намали проценката за економскиот раст предвиден за тековната година, најави премиерот Педро Санчез во интервјуто за шпанската телевизија „Антена3“.
Владата до крајот на месецов ќе ја намали важечката прогноза за раст на активностите од 7 проценти за оваа година, земајќи го предвид влијанието на инфлацијата дополнително поттикната од руската инвазија на Украина.
„Стапките на раст ќе бидат намалени во Шпанија, Европа и светот, тоа е факт, но тоа не значи дека Шпанија нема да продолжи да расте и да создава работни места“, изјави Санчез во вчерашното интервју. Централната банка на Шпанија проценува дека оваа година националната економија ќе оствари раст од 4,5 проценти.
Извор: МИА