Министерот без ресор за подобрување на инвестициската клима за домашните претпријатија Зоран Шапуриќ, вчера, при посета на компании во Радовиш, ја презентирал определбата на Владата за поттикнување нови инвестиции и извоз на производите од домашните претпријатија, кое ќе биде неселективно и транспарентно, информира денеска Кабинетот на министерот.
Од раководството на компаниите, стои во соопштението од Кабинетот, е искажан особен интерес за владините мерки и е изразено задоволство од нивното воведување.
На средбата претставниците на петте компаниите што ги посетил министерот ги изнеле проблемите со кои се соочуваат. Проблемите на кои укажале ќе бидат презентирани во Владата и ќе се работи на нивно што поскоро решавање, најавил Шапуриќ.