Параметрите за понатамошно финансиско учество на Меѓународниот монетарен фонд (ММФ) во програмата за помош на Грција се уште не се одредени, изјави денеска портпаролката на германското Министерство за финансии.
Таа додаде дека според германската Влада учеството на ММФ во програмата за Грција е задолжотелно.
Портпаролот на германската Влада, Штефен Зајберт истакна дека Берлин смета оти преговорите на Грција со кредиторите ќе завршат со успех.
Германската канцеларка денеска во Берлин ќе се сретне со директорката на ММФ, Кристин Лагард и со претседателот на Европската комисија Жан-Клод Јункер. Една од темите е третиот пакет на спас на Грција.