„Државата успешно се справува со енергетската криза благодарение на навремените и ефикасни мерки на претседателот на СДСМ и премиер Димитар Ковачевски. Она што беше ветено во септември се испорачува во текот на сите месеци кои се зад нас и во текот на овој месец. Обезбедена е сигурна испорака на електрична енергија за сите, како и ценовна стабилност на струјата“, велат од СДСМ.
„Денес, за првпат во 70 години, со полн капацитет работат сите енергетски постројки во државата и задоволуваат 100 проценти од потребите.
Никој не претпоставуваше дека државата ќе продава вишоци на електрична енергија во најкритичниот месец – јануари, но тоа се оствари.
Истовремено цената на струјата е намалена за 20 отсто, за околу 70.000 мали компании, што се на регулираниот пазар, а 99,2 отсто од домаќинствата немаат зголемени цени на електрична енергија.
СДСМ како одговорна партија продолжува со мерките и политиките и посветена работа за менаџирање со последиците на најголемата глобална енергетска криза“, соопшти СДСМ.