Лидерот на најголемата грчка опозициска партија Нова Демократија, Андонис Самарас ја предупреди Владата дека времето истекува и оти договорот со кредиторите треба да биде потпишан во следните неколку дена.
Самарас вчера во Брисел се сретна со претседателот на Европската комисија Жан –Клод Јункер и со други високи претставници на ЕУ.
– Пораката што ја имам за Владата е дека мора конечно да престане да лаже, да престане со користење комуникациски трикови и да склучи договор во следните неколку дена. Нема повеќе време. Пораката е јасна. Договорот мора да се потпише, истакна Самарас по средбите.