Околу 11 милиони Романци имаат банкарски депозити во вкупна вредност од над 137 милијарди леи (30,4 милијарди евра), се наведува во извештај на Фондот за гарантирање на банкарски депозити.
Како што објави весникот „Адеварул”, меѓу тие 11 милиони романски државјани, 138 поседуваат депозити од над 10 милиони леи секој (2,38 милиони евро).
Сопствениците на најголемите заштеди се лица на возраст од над 60 години. Просечната вредност на еден банкарски депозит е 13.500 леи (3.000 евра).
Најголеми депозити доаѓаат од главниот град Букурешт. Таму просечната вредност е 34.000 леи.