Руското производство на нафта оваа година порасна за 0,6 отсто на 526,6 милиони тони, додека во исто време, експлоатацијата на природен гас се намали за четири проценти на 641 милијарди кубни метри, соопшти денеска рускиот министер за енергетика Александар Новак.
Како што јави ТАСС, Новак информира дека рускиот извоз на двата енергенси годинава се намалил и тоа за 4,3 отсто на нафтата на 229 милиони тони и на гасот за 6,7 проценти на 183,3 милијарди метри кубни.
Според Новак, само на рускиот Далечен Исток и во источниот дел на Сибир производството на нафта е зголемено за 15 проценти, односно за 3,5 милиони тони на 23,5 милиони тони.
Инвестициите во руската нафтена индустрија годинава пораснале за 11,5 отсто во однос на лани, на 290 милијарди рубљи (5,3 милијарди долари)
Новак најави дека Москва предвидува производството на нафата во 2015 година да остане на овогодишното ниво од околу 525 милиони тони.