Секој шведски државјанин на годишно ниво заработува во просек по 287.064 круни, односно 26.581 евра.
Шведската агенција за статистика соопшти дека секој жител лани заработил просечно 287.064 круни. Сепак, приходите значително варираат во различни градови на оваа скандинавска земја.
Во соопштението на Агенцијата за статистика се вели дека најголема плата е забележана во Дандерјд, предградие на Стокхолм, каде лани граѓаните заработувале во просек по 383.988 круни годишно, или 35.547 евра.
Во соопштението се нотира фактот дека мажите и натаму заработуваат повеќе од жените, но јазот во приходите полека се стеснува.