Просечната месечна исплатена нето-плата по вработен, во март 2016, изнесува 22.053 денари и бележи раст од три отсто, објави Државниот завод за статистика.
Зголемувањето се должи на повисоката просечна месечна исплатена нето-плата по вработен во секторите: Административни и помошни услужни дејности за 16,8 отсто, Информации и комуникации за 14,6 отсто и Градежништво за 12,8 отсто.
Зголемување на просечната месечна исплатена нето-плата по вработен, во однос на претходниот месец, е забележано во секторите: Информации и комуникации за 10,7 отсто, Административни и помошни услужни дејности за 9,3 отсто и Рударство и вадење на камен за 6 проценти.
Просечната месечна бруто-плата по вработен во март 2016 изнесува 32.392 денари и бележи раст од три проценти.
Во март 2016 година, 1,3 отсто од вработените во Република Македонија не примиле плата.