Претседателот на Сојуз на стопански комори на Македонија (ССК), Данела Арсовска на покана на претседателот на ФМА, д-р. Акан Сувер, ќе биде панелист на сесијата „Жени кои го менуваат светот“ на 21 Евроазиски економски самит, кој официјално започнува денес.
Самиот на највисоко ниво ги обединува атуелните и поранешни државници, претседатели, премиери, министри, истакнати личности од општествениот и политичкиот живот, невладиниот сектор и бизнис заедниците од 40-тина држави. Ќе се дебатира на значајни теми од денешницата како „Технологија наспорти политика“, „Паметни градови“, Климатски промени“.
Евроазискиот економски форум има за цел унапредување на односите меѓу ЕУ и земјите од централна Азија и Блискиот Исток,како јакнење на економските врски, подобрување на регионалната соработка со цел да помогне во максимизирање на можностите што ги создава процесот на глобализација и минимизирање на неговите негативни ефекти.
Претседателот на Сојуз на стопански комори на Македонија Арсовска е прва жена претседател на национална комора на Балканот и втора година по ред е панелист на овој стратешки економски самит, кој се организира од 1998 година.