Регионалниот центар за управување со кризи на Град Скопје соопшти дека поради реализација на инвестициски зафати за подобрување на квалитетот во снабдувањето со електрична енергија утре без струја ќе останат дел од корисниците од општините Ѓорче Петров, Карпош, Шуто Оризари и Центар.
Без напојување со електрична енергија од 9:30 до 15:30 часот ќе останат улиците „49“ и „51“ во близина на Техногас, општина Ѓорче Петров.
Од 8 до 15:30 часот без струја ќе остане улица „49“ во Агино Село и жителите кои живеат во близина на игралиштето, како и дел од улица „Кичевска“.
Во периодот од 9 до 14 часот без струја ќе останат корисниците од улиците „Козле“ и „Милан Марковиќ“, од 8:30 до 10:30 часот корисниците од улиците „Брсјачка Буна“, „Гарсија Лорка“ и „Морава“, а од 11 до 15 часот корисниците од хотел „Вергина“-улица „Скупи“.
Според соопштението на РЦУК, од 9 до 15 часот без електрична енергија ќе останат корисниците од улиците „Букурешка“ и „Варшавска“, а од 9 до 12 часот улиците „Периша Савелиќ“, „Салвадоре Аљенде“ и Ташино Чешмиче.