Унгарските компании планираат да ги прошират своите активности во Русија и покрај санкциите и политичките тешкотии, изјави унгарскиот премиер Виктор Орбан во Будимпешта.
„На средбата беше констатирано дека, врз основа на досега постигнатите резултати, подготвени сме да ја продолжиме соработката во области како што е земјоделството. И покрај санкциите и политичките тешкотии, унгарските компании застапени во Русија бараат можности да ги прошират своите активности “, изјави Берталан Хаваси, портпарол на унгарскиот премиер, пренесува МТИ.
Претседателот на Татарстан дојде во Будимпешта на покана на Орбан по повод унгарскиот национален празник Свети Стефан, кој се слави викендов.
Унгарија има долгогодишни блиски деловни односи со Татарстан, а најголемата унгарска компанија за нафта и гас МОЛ е вклучена во заеднички проекти.