Премиерот на Унгарија, Виктор Орбан ги прекина преку Фејсбук преговорите со ММФ за нов кредит.
„По оваа цена не лајкувам“, рече во својата видео порака на профилот.
Во краткото видео Орбан рече дека Унгарија не може да ги прифати условите на ММФ како што се намалување на пензијата и укинување на спорната банкарска такса во замена за заем од 15 милијарди евра.
Тој рече дека неговата влада работи на „алтернативен предлог за преговорите“, но додаде дека договор со вакви услови од ММФ ќе биде неприфатлив.
Орбан во средата за новинарите изјави дека преговорите со ММФ и ЕУ се одвиваат според планот и дека и двете страни имаат волја да постигнат договор.
Унгарската економија е во рецесија. Таа земја има најголема годишна стапка во инфлација на територијата на ЕУ.